Xunto co grande Festival que se celebrará o sábado 26 de setembro, teremos durante tres días (25, 26 e 27 de setembro), o maior Encontro anual internacional de profesionais da Educación Social. Un espazo único de encontro para profesionais, estudantes e profesorado da Educación Social, promovendo ao mesmo tempo a cultura e as tradicións do territorio local e a identidade rural. Dentro do amplo programa están tamén os sempre divertidos xogos tradicionais. Estes con dúas versións, a da presentación do libro `Patrimonio lúdico galego: investigación, recursos e divulgación dos xogos tradicionais´ e outra cunha xornada de xogos para poder practicalos.