Representantes dos colectivos que forman parte do Observatorio, así como persoas investigadoras integradas nel a título individual, tiveron unha reunión en Santiago o luns, 14 de xullo. O obxectivo era analizar os proxectos en marcha do Observatorio, entre eles a aplicación para móbiles que chega agora aos 112 xogos, así como a publicación que verá a luz nos próximos meses recollendo case 40 experiencias de investigación e divulgación dos xogos tradicionais galegos. Debateron tamén, entre outros asuntos, o VII Curso de Formación sobre o Patrimonio Lúdico que o Observatorio organizará en Muimenta, na Terra Chá, na primavera de 2026.