Edicións USC participa na Semana do Libro en Compostela presentando os volumes “Patrimonio lúdico galego” e `As mulleres e o mar e as mulleres e o comercio na Galicia dos séculos XIX e XX´. Terán lugar este 5 e 6 de outubro na Praza da Quintana.

O luns 5, ás 19:00 horas, o director de Edicións USC, Juan L. Blanco Valdés, xunto cos coordinadores da edición, Silvia López Gómez e Apolinar Varela, e membros do Observatorio do Patrimonio Lúdico Galego presentan o libro Patrimonio Lúdico Galego. Investigación, recursos e divulgación dos xogos tradicionais´.

O martes día 6, tamén ás 19:00 horas, a vicerreitora de Cultura, Ana Cabana Iglesia, o director de Edicións, e as autoras Luisa Muñoz Abeledo e Marta Alija presentan os libros As mulleres e o mar. O traballo feminino nas industrias marítimas de Galicia. Séculos XIX e XX e As mulleres e o comercio na Galicia dos séculos XIX e XX, ambas as dúas publicacións da Cátedra Juana de Vega da USC.