Por Isabel Vilalba Seivane: ” No VII Curso de Formación do Patrimonio do Xogo Lúdico Galego” Xosé Manuel Beiras Torrado, intelectual, político, escritor, economista, e referente fundamental na construción da identidade de Galicia, deixou presente no Salón de Actos do Concello de Lourenzá o legado de Castelao, o inxente labor cultural, intelectual e político de Paco del Riego, de Xaime Illa Couto, de Ramón Piñeiro, da Xeración de La Noche, do Grupo Brais Pinto e de tantas outras figuras senlleiras galegas. Un broche de ouro para o peche do VII Curso de Formación sobre o Patrimonio Lúdico. Lembramos xogos e xoguetes da nenez vilega de Paco del Riego, na que sempre sopraron ventos de aldea, e reivindicamos o xogo tradicional e eses ventos de aldea para o futuro.
No prólogo do libro Xoguetes Esquecidos de Xosé Manuel García e Xosé López González, dous laurentinos, de orixe ou de vida, dos máis grandes investigadores galegos sobre o xoguete tradicional, Paco Del Riego realizaba precisamente unha chamada á condición natal das xentes nestes tempos de sentimentos confusos”.